Phil Foden ខកខានការប្រកួតជម្រុះ Euro ២០២៤ របស់អង់គ្លេសជាមួយអ៊ុយក្រែននៅថ្ងៃអាទិត្យ ហើយក៏អាចអវត្តមានសម្រាប់ការប្រកួតធំៗមួយចំនួនក្នុង Premier League និង Champions League ផងដែរ។
Foden បានក្លាយជាកីឡាករដ៏សំខាន់សម្រាប់ទាំងក្លឹប និងប្រទេស ប៉ុន្តែអាចនឹងអវត្តមាននៅពេលគាត់ជាសះស្បើយពីការវះកាត់ បន្ទាប់ពីទទួលរងនូវជំងឺរលាកខ្នែងពោះវៀន នេះបើយោងតាមការចុះផ្សាយរបស់ The Mirror។
កីឡាករវ័យ ២២ឆ្នាំរូបនេះត្រូវបានគេនិយាយថាបានហ្វឹកហាត់មុនការប្រកួត ហើយសង្ឃឹមថានឹងអាចលេងនៅ Wembley មុនពេលមានអារម្មណ៍មិនស្រួលក្នុងពេលនៅក្នុងជំរុំហ្វឹកហាត់។
គាត់ត្រូវបានគេនិយាយថាបានទទួលការវះកាត់រួចហើយ ដោយត្រូវបានពិនិត្យដោយវេជ្ជបណ្ឌិត ហើយបានខកខានការប្រកួតជាមួយអ៊ុយក្រែន។
វាមិនមែនត្រឹមតែក្រុមជម្រើសជាតិទេដែលអាចមានអារម្មណ៍ថាមានការបាត់បង់ Foden ដោយ Pep Guardiola និង Manchester City នៅតែត្រូវការខ្សែប្រយុទ្ធវ័យក្មេងរូបនេះដែរ។
Foden ត្រូវគេរំពឹងថានឹងអវត្តមានពីមួយទៅបួនសប្តាហ៍បន្ទាប់ពីការវះកាត់របស់គាត់ ដែលអាចមានន័យថាខកខានការប្រកួត Premier League ជាមួយ Liverpool នៅចុងសប្តាហ៍ក្រោយ។
លើសពីនេះ Man City មានការប្រកួត Champions League ដ៏ធំរបស់ពួកគេជាមួយ Bayern Munich ដែលនឹងឃើញលោក Guardiola ជួបជាមួយគ្រូបង្វឹកថ្មីរបស់ Bayern លោក Thomas Tuchel ម្តងទៀត និងវគ្គពាក់កណ្តាលផ្តាច់ព្រ័ត្រ FA Cup របស់ពួកគេជាមួយនឹងក្រុម Sheffield United៕
*[Sportbible]
