លោក Ronald Koeman បាននិយាយថា គាត់រំពឹងច្រើនពីក្រុមហូឡង់របស់គាត់ បន្ទាប់ពីពួកគេត្រូវបានក្រុមបារាំងលត់ ៤-០ ក្នុងការប្រកួតដំបូងរបស់ គាត់ក្នុងនាមជាគ្រូបង្វឹក។
Koeman បានជំនួសលោក Louis van Gaal ដើម្បីចាប់ផ្តើមតំណែងជាលើកទីពីររបស់គាត់ក្នុងនាមជាគ្រូបង្វឹកក្រុមទឹកក្រូចហូឡង់ ហើយនឹងមានការ ភ្ញាក់ផ្អើលនៅពេលដែលឃើញក្រុមរបស់គាត់ត្រូវបារាំងសុី ២-០ បន្ទាប់ពីលេងបានត្រឹមតែ ៨នាទីនៅ Stade de France និង ៣-០ បន្ទាប់ពី ២១នាទី។
ថ្លែងទៅកាន់ NOS Sport បន្ទាប់ពីការរងបរាជ័យយ៉ាងធ្ងន់ធ្ងរក្នុងការប្រកួតបើកឆាកវគ្គជម្រុះ Euro ២០២៤ របស់ពួកគេ Koeman បានសារភាពថាគាត់មិនបានរំពឹងថានឹងបរាជ័យធ្ងន់បែបនេះទេ ទោះបីជាក្រុមរបស់គាត់បានបញ្ចប់ដោយការគ្រប់គ្រងបាល់ ៥៩% និងស៊ុតតិចជាង ម្ចាស់ផ្ទះត្រឹមតែ (១២-១១) ក៏ដោយ។
លោកបានថ្លែងថា៖
”ខ្ញុំរំពឹងច្រើនជាងនេះពីអ្នកគ្រប់គ្នា លទ្ធផលក្រុមគឺទាបជាងមធ្យមទៅទៀត។ យើងបានបាត់បង់បាល់ចម្ងាយ ២០ម៉ែត្រពីកន្លែងចាំទីរបស់។ នោះគឺជាកន្លែងដែលអ្នកមិនគួរបាត់បង់បាល់នោះទេ។ហើយបន្ទាប់មកប្រទេសបារាំងគឺជាក្រុមដ៏ល្អមួយដែលកំពុងលាក់ខ្លួន ហើយទទួល បានអត្ថប្រយោជន៍ភ្លាមៗ”៕
