ខ្សែប្រយុទ្ធ Victor Osimhen របស់ Napoli កំពុងទទួលបានការចាប់អារម្មណ៍យ៉ាងខ្លាំង ដោយកំពុងឈរនៅលើកំពូលតារាងនៃការស៊ុតបាល់បញ្ចូលទី Serie A នៅរដូវកាលនេះ ដោយរកបាន ២១គ្រាប់។ខ្សែប្រយុទ្ធនីហ្សេរីយ៉ាអាយុ ២៤ឆ្នាំជាប់កុងត្រាជាមួយក្រុមកំពូលតារាង Serie A រហូតដល់ឆ្នាំ២០២៥។
ខណៈពេលដែលពួកគេចង់រក្សាទុកគាត់ឱ្យបានយូរ តារាឆ្នើមរូបនេះបានបង្ហើបថាប្រហែលជាមិនអាចនោះទេ បន្ទាប់ពីថ្មីៗនេះបានបង្ហាញចំណាប់ អារម្មណ៍លើការផ្លាស់ប្តូរទៅកាន់ក្របខ័ណ្ឌ Premier League។របាយការណ៍បានបង្ហាញថា Napoli បានដាក់តម្លៃ ១៥០លានអឺរ៉ូលើ Osimhen ចំពេលមានការចាប់អារម្មណ៍ថ្មីពីមហាអំណាចបារាំង Paris Saint-Germain។
PSG បានឈានទៅប្រជែងយកកីឡាករនីហ្សេរីយ៉ារូបនេះ ខណៈ Manchester United និង Chelsea ទាំងពីរត្រូវបានគេរាយការណ៍ថាកំពុងតាមប្រមាញ់ក្នុងការចុះហត្ថលេខាលើគាត់ក្នុងរដូវកាលនេះ៕
*[FotMob]