លោក Xavi អ្នកចាត់ការក្រុម FC Barcelona បានអះអាងថាទោះជាយប់នេះ ពួកគេលេងឈ្នះក្រុម Real Madrid ក្ដី ក៏លទ្ធផលនៅមិនទាន់ឱ្យពួកគេអាចលើកពាន La Liga បានដែរ។
Barcelona កំពុងឈរនៅកំពូលតារាង La Liga មាន៩ពិន្ទុនាំមុខទៅលើក្រុម Real Madrid ដែលស្ថិតនៅចំណាត់ថ្នាក់លេខ២។ ប្រសិនបើជំនួប El Clasico នៅរាត្រីនេះ ក្រុមអ្នកមានបុណ្យជាអ្នកឈ្នះទៀត នោះគម្លាតពិន្ទុរវាងក្រុមទាំងពីរនឹងឡើងដល់១២ពិន្ទុហើយ។ ឬអ្នកគាំទ្របានគិតថា ប្រសិនបើ Barcelona ឈ្នះ ពាន La Liga ឆ្នាំនេះគឺដឹងតែបានទៅលើក្រុមរបស់លោក Xavi ១០០%ទៅហើយ ទោះសល់ច្រើនក៏ទៀតក្ដី។
លោក Xavi បានបង្ហាញចំណាប់អារម្មណ៍ទាក់ទងទៅនឹងបញ្ហានេះដែរថា៖ “ប្រសិនបើយើងឈ្នះ យើងនឹងផ្ដួល Real Madrid នៅក្នុងតារាង ប៉ុន្តែមិនទាន់កំណត់ថាយើងនឹងឈ្នះពាននោះទេ។ អ្វីដែលនឹងកើតឡើងនៅរាត្រីនេះ ខ្ញុំគិតថាគ្មានអ្វីដែលសម្រេចថាក្រុមណានឹងឈ្នះពានទេ។ ប្រសិនបើយើងឈ្នះ យើងនឹងកាន់តែកៀកក្នុងការឈ្នះពានលីគកំពូលអេស្ប៉ាញ”៕