ខ្សែប្រយុទ្ធ Cristiano Ronaldo ត្រូវបានកោះហៅចូលជម្រើសជាតិព័រទុយហ្គាល់ហើយ ដើម្បីត្រៀមលេងជម្រុះពានរង្វាន់ Euro 2024 ខាងមុខទល់ក្រុម លីចតេនស្ទីន និងលុចសំបួរ។
Ronaldo វ័យ៣៨ឆ្នាំធ្លាប់ត្រូវបានគេគិតថានឹងចូលនិវត្ដន៍ពីជម្រើសជាតិទៅហើយ ក្រោយពីព្រឹត្តិការណ៍ FIFA World Cup 2022 កន្លងទៅ គេខ្ទប់មុខយំដើរចេញ ក្រោយពីព័រទុយហ្គាល់ធ្លាក់ក្រោមថ្វីជើងក្រុមម៉ារុកនៅវគ្គ៨ក្រុមចុងក្រោយ។ យ៉ាងណាមិញ ក្នុងការប្រកួតនោះដែរ Ronaldo ក៏មិនបានលេងពេញតង់ដែរ ពោលគឺត្រូវប្ដូរចូលប៉ុណ្ណោះ។
លោក Fernado Santos ត្រូវបានដកចេញពីតំណែងអ្នកចាត់ការក្រុមព័រទុយហ្គាល់នៅគ្រានោះ ហើយលោក Roberto Martinez អតីតគ្រូបង្វឹលបែលហ្សិកក៏ចូលមកដឹកនាំក្រុមនេះវិញម្ដង។ ក្រោមការដឹកនាំរបស់គ្រូបង្វឹកថ្មី Ronaldo បន្ដលេងឱ្យជម្រើសជាតិព័រទុយហ្គាល់ ហើយក៏ត្រូវបានកោះហៅផងដែរ។ ខ្សែប្រយុទ្ធមានតម្លៃពលកម្មខ្ពស់បំផុតលើលោកនេះ បង្ហាញខ្លួនឱ្យព័រទុយហ្គាល់បាន១៩៦ប្រកួត និងរកបាន១១៨គ្រាប់ហើយ៕