តាមរយៈការឧបត្ថម្ភពីក្រុមហ៊ុនផ្តល់សេវាកម្មកម្សាន្តឈានមុខគេនៅកម្ពុជា 2MBET ថ្មីៗនេះ តំណាងក្រុមការងារ CTS Sports បានចុះទៅផ្តល់ជូនឈុតសំលៀកបំពាក់ ឧបត្ថម្ភដល់ក្រុមបាល់ទាត់ ព្នៅ ២ FC។ នេះជាការផ្តល់ជូនឥតគិតថ្លៃ សម្រាប់ក្រុមបាល់ទាត់ឈុតតូចក្រៅអាជីព ជាពិសេសផ្តល់អាទិភាពដល់ក្រុមដែលមានការខ្វះខាតពិតប្រាកដ នៅទូទាំងបណ្តារាជធានី/ខេត្ត។
ព្នៅ ២ FC ជាក្រុមមានមូលដ្ឋានស្ថិតនៅខេត្តព្រៃវែង បង្កើតឡើងបានជិត ២ ឆ្នាំ រួចមានសមាជិកសរុប ២៨ នាក់។ តំណាងក្រុមលោក ចេន សុខណេង បានលើកឡើងយ៉ាងដូច្នោះថា៖
ជាសារចែករំលែកទៅកាន់យុវជន យុវតីទាំងអស់ ឆ្លៀតពេលទំនេរពីការសិក្សារៀនសូត្រ ឬធ្វើការ សូមចូលរួមលេងកីឡាករបាល់ទាត់នេះទាំងអស់គ្នា ដើម្បីសុខភាព មិត្តភាព សូមជៀសឲ្យឆ្ងាយពីការសេពគប់គ្រឿងញៀន ក៏ដូចជាអំពើខុសច្បាប់ទាំងឡាយណា ដែលសង្គមស្អប់ខ្ពើម។
ក្នុងនាមខ្ញុំជាអ្នកដឹកនាំក្រុម ក៏ជាអ្នកស្រលាញ់វិស័យបាល់ទាត់មួយនេះ ខ្ញុំបានដាក់ឆន្ទៈនឹងខិតខំប្រឹងប្រែង អភិវឌ្ឍក្រុមឲ្យល្អប្រសើរឡើង ឲ្យសមាជិកកាន់តែយល់ដឹងពីបាល់ទាត់ លេងប្រកបដោយសីលធម៌ ហើយអាចមានឱកាសចូលរួម ប្រកួតគ្រប់ពានរង្វាន់ ដើម្បីលើកមុខលើកមាត់ ឃុំព្នៅទី ២ ដែលជាឃុំដាច់ស្រយាលមួយ ស្ថិតនៅ ស្រុកសុីធរកណ្ដាល ខេត្តព្រៃវែងមួយនេះឲ្យគេស្គាល់កាន់តែច្រើនឡើង។
ប្រធានក្រុមខាងលើ ក៏បានផ្ញើសារទៅក្រុមហ៊ុនឧបត្ថម្ភ 2MBET បែបនេះ៖
សូមអរគុណដល់ក្រុមហ៊ុនដែលបានឧបត្ថម្ភឈុតកីឡាជូនក្រុមយើងខ្ញុំ សូមជូនពរឲ្យមានអតិថិជនគាំទ្រកាន់តែច្រើន រីកចម្រើនឡើងតទៅមុខ៕