ក្រុម Liverpool កំពុងធ្វើបានយ៉ាងល្អនៅរដូវកាលនេះ ដោយឆ្លងកាត់១១ប្រកួត ឈ្នះ៨ប្រកួត និងស្មើ៣ប្រកួត កំពុងប្រជែងកំពូលតារាងលីគអង់គ្លេស។
ត្បិតតែយ៉ាងនេះក្ដី លោក Klopp អ្នកចាត់ការក្រុមហង្សក្រហម បាននិយាយថាវាមិនមែនជាកំណត់ត្រាអ្វីនោះទេ។ ក្រុម Liverpool ជោគជ័យឬមិនជោគជ័យ អាស្រ័យនៅចប់រដូវកាលអាចឈ្នះពានបានឬអត់។ ជាក់ស្ដែង បច្ចុប្បន្នក្រុមកំពុងធ្វើបានល្អមែន ប៉ុន្តែពួកគេត្រូវធ្វើឱ្យបានល្អជាងនេះទៀត ដើម្បីអាចមានឱកាសលើកពានបាន។
សូមបញ្ជាក់ថា Liverpool ខកខានលើកពានរង្វាន់លីគកំពូលអង់គ្លេសនេះ ជាង២០ឆ្នាំមកហើយ។ ស្របពេលពួកគេពីមុនមក ក៏ជាក្រុមជោគជ័យបំផុតមួយនៅអង់គ្លេស បន្ទាប់ពីក្រុម Manchester United ដែរ៕ប្រភពDailyMail
