ខ្សែប្រយុទ្ធ Harry Kane នឹងសម្រេចចិត្តពីអនាគតរបស់ខ្លួននៅចប់រដូវកាលនេះ ខណៈដែលមានក្លឹបមួយចំនួនកំពុងរង់ចាំដំណឹងផងដែរ។
នារដូវកាលនេះ Spurs នឹងបញ្ចប់រដូវកាលដោយមិនឈ្នះពានអ្វីនោះទេ ហើយក៏ជាទីដែលធ្វើឱ្យ Kane ខកចិត្តបំផុតផងដែរ។ ក្នុងនាមជាកីឡាករថ្នាលរបស់ក្លឹប រូបគេបានខិតខំប្រឹងប្រែងរហូតដល់បច្ចុប្បន្នបានក្លាយជាកីឡាកររកគ្រាប់បាល់បានច្រើនជាងគេទៅហើយ។ តែការខិតខំនោះ ហាក់មិនសមប្រកបឡើយ។ រូបគេនៅតែមិនអាចទទួលបានឱកាសលើកពានដដែល។ ដូច្នេះហើយ នៅចប់រដូវកាលនេះ គេនឹងពិចារណាចំពោះកុងត្រារបស់ខ្លួនហើយ។
ដោយពេលនេះមានក្លឹបធំ២ហាក់បង្ហាញការចង់បានជាងគេ គឺ Manchester United និង Bayern Munich ។ នៅចប់រដូវកាលនេះ Kane នៅសល់កុងត្រាត្រឹម១២ខែប៉ុណ្ណោះ ដូច្នេះអាចជាពេលសមល្មមសម្រាប់ក្រុម Spurs លក់ចេញ ព្រោះថាប្រសិនបើបន្ដដល់ឆ្នាំ២០២៤ នោះកីឡាករអង់គ្លេសរូបនេះ អាចនឹងចេញដោយមិនមានតម្លៃខ្លួននោះទេ៕