លោក Mikel Arteta បានប្រាប់ទៅកីឡាករក្រុម Arsenal ឱ្យពង្រឹងសមត្ថភាពឡើងបន្ថែមទៀត ក្រោយពីពួកគេលេងបានត្រឹមស្មើជាមួយក្រុម Sporting ក្នុងលទ្ធផល ២-២។
ក្រុម Arsenal មានការផ្លាស់ប្ដូរសមាសភាពកីឡាករជម្រើសដំបូងច្រើននាក់ក្នុងការប្រកួតនៅយប់មិញនេះ ទល់ក្រុម Sporting នៅវគ្គ១៦ក្រុមចុងក្រោយពានរង្វាន់ Europa League ជើងទី១។ ជាលទ្ធផលឃើញថាក្រុម Sporting ឯណោះទេ ដែលមានឱកាសនាំមុខ និងស្ទើរតែអាចឈ្នះការប្រកួតបានទៅហើយ។ តែយ៉ាងណា ចប់ការប្រកួតក្រុមទាំងពីរបានត្រឹមស្មើគ្នា ២-២ ប៉ុណ្ណោះ។
ក្រោយពីឃើញកូនក្រុមលេងមិនបានល្អនេះហើយ លោក Arteta បាននិយាយថា៖ “វាជារឿងពិត យើងត្រូវពង្រឹងសមត្ថភាពច្រើនចំណុចណាស់ ប្រសិនបើយើងចង់ឈ្នះការប្រកួតនៅជើងទី២។ ប្រសិនបើអ្នករបូត២គ្រាប់ងាយៗដូចដែលយើងបានធ្វើនេះ វានឹងពិបាកណាស់ក្នុងការទទួលបានលទ្ធផលល្អ។ យើងរបូតបាល់ស្រួលៗទៅឱ្យគូប្រកួត។ យើងត្រូវការពារឱ្យបានល្អជាងនេះក្នុងតំបន់គ្រោះថ្នាក់”៕