ក្រោយពីលេងចាញ់ក្រុម Al-Ittihad ក្នុងលទ្ធផល ១-០ នៅយប់មិញនេះ បានធ្វើឱ្យក្រុម Al Nassr ធ្លាក់ចេញពីកំពូលតារាងលីគកំពូលអារ៉ាប់ប៊ីសាអូឌីតទៅហើយ។
អ្នកគាំទ្រជាច្រើនរំពឹងថានឹងទទួលបានលទ្ធផលល្អក្នុងរដូវកាលនេះ បន្ទាប់ពីក្រុម Al Nassr ទិញយក Ronaldo មករួមក្រុម។ តែយ៉ាងណាការឈរកំពូលតារាងរបស់ពួកគេមិនបានយូរឡើយ ពោលគឺក្រោយពីលេងចាញ់ក្រុម Al-Ittihad ក្នុងលទ្ធផល ១-០ មក បានធ្វើឱ្យក្លឹបនេះធ្លាក់ទៅចំណាត់ថ្នាក់លេខ២ទៅហើយ។ ខណៈដែល Ronaldo វិញ ២ប្រកួតជាប់គ្នាហើយដែលរូបគេមិនអាចរកគ្រាប់បាល់បាន។
មួយវិញទៀតនៅយប់មិញក៏ឃើញថា រូបគេបានបង្ហាញកាយវិការមិនពេញចិត្តខ្លាំងផងដែរ។ ដោយដើរទាត់ដបទឹកសុទ្ធថែមទៀត បង្ហាញពីការមិនពេញចិត្តចំពោះលទ្ធផលនិងការលេងរបស់ក្រុមទាំងមូលឡើយ។ នៅពេលនេះ Al Nassr ធ្លាក់មកលេខ២ មាន៤៦ពិន្ទុ ស្របពេលក្រុមលេខ១ Al-Ittihad មាន៤៧ពិន្ទុ៕