ក្រុមបាល់ទាត់នារីកម្ពុជាក្រោមអាយុ២០ឆ្នាំ U20 បានបរាជ័យក្រោមថ្វីជើងក្រុមខ្លាំង U20 មីយ៉ាន់ម៉ា ក្នុងលទ្ធផល ២-០ ក្នុងការប្រកួតពានរង្វាន់ AFC U20 Women’s Asian Cup កាលពីម្សិលមិញនេះ។
ក្នុងការប្រកួតនេះដែរ ម្ចាស់ផ្ទះកម្ពុជាដែលជាក្រុមស្ទើរបទពិសោធក្នុងការប្រកួតនោះ ត្រូវរងសម្ពាធខ្លាំងមែនទែនពីសំណាកក្រុមមីយ៉ាន់ម៉ា ពេញ៩០នាទីតែម្ដង។ យ៉ាងណាមិញ ក្រុម U20 កម្ពុជា មិនបោះបង់ការប្រកួតនោះទេ ដោយពួកគេខិតខំប្រឹងលេង មិនបិទការសម្រុកពីសំណាក់កីឡាការិនីមីយ៉ាន់ម៉ាបានយ៉ាងល្អ។ បើទោះជារបូត២គ្រាប់មែន ប៉ុន្តែអ្នកគាំទ្រមើលឃើញថាក្រុមនារីកម្ពុជា ធ្វើបានល្អហើយក្នុងនាមជាក្រុមថ្មីថ្មោង។
កម្ពុជា នៅសល់១ប្រកួតក្នុងដៃទៀតដែរ ដោយប៉ះជាមួយក្រុមម៉ាឡេស៊ី នៅថ្ងៃ១០ខែមីនាខាងមុខនេះ។ ដោយក្នុងពានរង្វាន់ AFC U20 Women’s Asian Cup នេះដែរ ក្នុងមួយពូល មាន៣ក្រុម កម្ពុជាស្ថិតនៅពូលជាមួយមីយ៉ាន់ម៉ា និងម៉ាឡេស៊ី។ ដោយប្រកួតក្នុងពូលទាំង៨នេះដែរ មួយពូល យកតែក្រុមនៅចំណាត់ថ្នាក់លេខ១ប៉ុណ្ណោះ៕