លោក Erik ten Hag បាននិយាយថាខ្សែបម្រើ Bruno Fernandes នៅតែបន្ដជាប្រធានក្រុមរបស់ Manchester United ដដែលនៅពេល Harry Maguire មិនចូលលេង បើទោះជាប្រកួតកន្លងទៅ គេលេងមិនបានល្អក៏ដោយ។
ក្រុមបិសាចក្រហម Manchester United នឹងត្រូវប្រកួតជាមួយក្រុម Real Betis នៅរាត្រីនេះហើយ ក្នុងការប្រកួតវគ្គ១៦ក្រុមចុងក្រោយនៃពានរង្វាន់ UEFA Europa League ។ មុនការប្រកួតនេះដែរ លោក Ten Hag ក៏បាននិយាយពីករណីរបស់ Bruno ផងដែរ។ ក្រោយប្រកួតចាញ់ Liverpool ៧-០ អ្នកគាំទ្រជាច្រើនស្ដីបន្ទោស Bruno ទៅលើកាយវិការរបស់គេ មិនទម្រង់លេងមិនល្អ មិនសមដើរតួជាប្រធានក្រុមក្នុងទីលាន។
លោក Ten Hag បានតបទៅការលើកឡើងទាំងអស់នោះថា៖ “គាត់ជាកីឡាករលេងល្អនារដូវកាលនេះ។ គាត់ដើរតួយ៉ាងសំខាន់ក្នុងក្រុមគ្រប់តំបន់។ គ្រប់គ្នាសុទ្ធតែធ្លាប់បង្កើតកំហុស ហើយយើងត្រូវរៀនពីវា។ ខ្ញុំក៏ត្រូវតែរៀនពីកំហុសដូចគ្នា ហើយក៏គាត់ក៏ដូចយើងដែរ។ ខ្ញុំនៅតែជឿជាក់លើគាត់ គាត់នឹងនៅតែជាប្រធានក្រុមរបស់យើង នៅពេល Maguire មិនបានចូលលេង”៕