ខ្សែប្រយុទ្ធ Son Heung-min បានអះអាងថាការប្រកួតជើងទី២នៃពានរង្វាន់ UEFA Champions League នៅរាត្រីនេះទល់ក្រុម AC Milan គឺជាការប្រកួតសំខាន់បំផុតហើយនៅរដូវកាលនេះ។
ក្រុម Spurs នារដូវកាលនេះលេងមិនសូវបានល្អនោះទេ ដោយប្រកួតខ្លះធ្វើបានល្អ ហើយប្រកួតខ្លះទៀតដែលមិនសមចាញ់នោះ បែរជាបរាជ័យទៅវិញ។ នៅរាត្រីនេះ ពួកគេនឹងត្រូវតទល់ជាមួយក្រុម AC Milan មកពីអ៊ីតាលីថែមទៀតសម្រាប់ជើងទី២នៃពានរង្វាន់ UEFA Champions League ។ ខណៈដែលជើងទី១កន្លងទៅ ពួកគេបានបរាជ័យក្នុងលទ្ធផល ១-០ រួចទៅហើយ។
មុនការប្រកួតនេះដែរ Son បាននិយាយថា៖ “យើងត្រូវតែយកឈ្នះវិញ។ នេះជាការប្រកួតសំខាន់បំផុតនៅរដូវកាលនេះ។ យើងគ្រប់គ្នាកំពុងរង់ចាំការប្រកួតមួយនេះ នៅក្រោមពន្លឺភ្លើងនៃកីឡដ្ឋានរបស់យើង។ យើងត្រូវតែផ្ដល់គ្រប់យ៉ាង ដើម្បីឱ្យអ្នកគាំទ្រយើងមានមោទកភាពនឹងយើង ក៏ដូចជាក្លឹបរបស់យើង”៕