ខ្សែបម្រើ Jude Bellingham បានចាត់ទុកថាជារឿងកំប្លែងហើយនៅពេលដែលអាជ្ញាកណ្ដាលផ្ដល់ការទាត់ប៉េណាល់ទីដល់ទៅ២ដងឱ្យទៅខ្សែប្រយុទ្ធ Kai Havertz កាលពីយប់មិញនេះ។
ក្រុម Dortmund បានបរាជ័យក្រោមថ្វីជើងក្រុម Chelsea ក្នុងលទ្ធផល ២-០ នៅជើងទី២នៃពានរង្វាន់ UEFA Champions League ។ ជាមួយលទ្ធផលនេះដែរ បានធ្វើឱ្យក្រុមមកពីអាល្លឺម៉ង់ធ្លាក់ចេញពីពានរង្វាន់នេះទៅហើយ ព្រោះកាលពីជើងទី១កន្លងទៅ ពួកគេឈ្នះត្រឹម ១-០ ប៉ុណ្ណោះ។ តែអ្វីដែលមិនអស់ចិត្តនោះ គឺការប្រកួតយប់មិញតែម្ដង ដែលអាជ្ញាកណ្ដាលផ្ដល់ឱកាសឱ្យ Havertz ទាត់ប៉េណាល់ទីដល់ទៅ២ដង។ ខណៈដែលលើកទី១មិនចូលបុកបង្គោលទី ហើយអាជ្ញាកណ្ដាលឱ្យទាត់ម្ដងទៀត ព្រោះសំណាងថាកីឡាករ Dortmund រត់ទៅមុខមុនគេទាត់។
ចំពោះរឿងនេះ Bellingham បានបង្ហាញចំណាប់អារម្មណ៍ថា៖ “វាជារឿងកំប្លែង។ ខ្ញុំមិនចង់មានបញ្ហានោះទេ ប៉ុន្តែរឿងនេះជារឿងកំប្លែងពិតមែន។ គ្រប់ការប៉េណាល់ទីទាំងអស់ ជាពិសេសនៅពេលគាត់រត់តិចៗទៅមុខ នោះនឹងមានកីឡាករដែលឈរនៅពីក្រោយរត់ចូលតំបន់គ្រោះថ្នាក់ដែរហើយ។ គាត់ (អាជ្ញាកណ្ដាល) បានសម្រេចចិត្តថានេះជាកំហុស ប៉ុន្តែខ្ញុំគិតថាវាមិនមែននោះទេ”៕