ក្រុមតោខៀវ Chelsea បានឡើងទៅវគ្គ៨ក្រុមចុងក្រោយនៃពានរង្វាន់ UEFA Champions League ហើយ ក្រោយពីពួកគេបានយកឈ្នះលើក្រុម Dortmund ២-០ នៅជើងទី២ សរុបទាំងពីរជើង ២-១។
កាលពីជើងទី១កន្លងទៅ Chelsea បានលេងចាញ់ក្រុម Dortmund ក្នុងលទ្ធផល ១-០ រួចទៅហើយ។ ខណៈដែលជើងទី២នៅយប់មិញនេះវិញ ឃើញថាក្រុមតោខៀវធ្វើបានល្អវិញ វាយបកយកឈ្នះបានទៅលើក្រុម Dortmund ២-០ វិញ។ ដោយ២គ្រាប់សំខាន់នេះធ្វើបានដោយ Sterling នៅនាទី៤៣ និង Havertz នៅនាទី៥៣។ សរុបទាំងពីរជើងទៅ ក្រុម Chelsea បានយកឈ្នះ Dortmund ២-១ ឡើងទៅវគ្គ៨ក្រុមចុងក្រោយ UEFA Champions League ហើយ។
ក្នុងការប្រកួតនេះដែរ ក្រុមរបស់លោក Graham Potter បានបង្កើតឱកាសល្អៗជាច្រើន ដែលធ្វើឱ្យអ្នកគាំទ្រសប្បាយចិត្តនឹងទម្រង់លេងនាពេលបច្ចុប្បន្ននេះមែនទែន។ ដោយឡែកនេះក៏ជាការបន្ថយសម្ពាធមកលើអ្នកចាត់ការនេះដែរ ត្បិតអី២ប្រកួតចុងក្រោយឈ្នះទាំងពីរប្រកួតហើយ៕