ខ្សែប្រយុទ្ធ Marcus Rashford បាននិយាយថាលទ្ធផលប្រកួតដែលចាញ់ក្រុមហង្សក្រហម Liverpool ៧-០ នឹងមិនអាចកំណត់រដូវកាលរបស់ក្រុម Manchester United បាននោះទេ។
Man Utd បានបរាជ័យយ៉ាងអាម៉ាស់ក្រោមថ្វីជើងក្រុម Liverpool ក្នុងលទ្ធផល ៧-០ កាលពីពេលកន្លងទៅនេះ។ លទ្ធផលនេះដែរ បានធ្វើឱ្យអ្នកគាំទ្រមិនពេញចិត្តចំពោះកីឡាករក្នុងក្រុម Man Utd នោះទេ។ ដោយពួកគេយល់ថាកីឡាករម្នាក់ៗលេងមិនអស់ពីសមត្ថភាពសោះ។ ដោយសូម្បីតែលោក Ten Hag ក៏បានចាត់ទុកប្រកួតនេះថាក្រុមលេងមិនសហការគ្នា មិនយល់ចិត្តគ្នាផងដែរ។
សម្រាប់ Rashford វិញ ក៏បាននិយាយដែរថា៖ “ខ្ញុំចង់លេងប្រកួតនៅថ្ងៃនេះតែម្ដង ដើម្បីបង្ហាញនិងធ្វើរឿងដែលត្រឹមត្រូវវិញ។ លទ្ធផលគឺលទ្ធផល យើងមិនអាចមើលទៅអតីតកាលរហូតទេ។ យើងគួរតែបំភ្លេចវា ហើយវាក៏មិនអាចកំណត់រដូវកាលរបស់យើងបានដែរ។ យើងត្រូវតែជឿជាក់ និងសហការគ្នាឱ្យបានល្អទៅតាមការគ្រោងទុក”៕