ខ្សែប្រយុទ្ធ Victor Osimhen របស់ក្រុម Napoli បានបង្ហើបថាក្ដីស្រមៃរបស់គេ គឺការទៅលេងនៅក្របខណ្ឌ English Premier League ។
Osimhen កំពុងឈរនៅកំពូលតារាងអ្នករកគ្រាប់បាល់បានច្រើនបំផុតនៅលីគកំពូលអ៊ីតាលី ដោយរកបាន១៩គ្រាប់ ក្នុងការបង្ហាញខ្លួន២១ប្រកួត។ ខ្សែប្រយុទ្ធរូបនេះ ត្រូវបានក្លឹបធំៗជាច្រើនចាប់អារម្មណ៍ ដោយនៅ Premier League មាន២ក្លឹបដែរ គឺ Manchester United និង Arsenal។ កីឡាករវ័យ២៤ឆ្នាំរូបនេះ ក៏បង្ហើបពីក្ដីបំណងធំរបស់គេ ក្នុងការផ្ទេរទៅលេងនៅលីគអង់គ្លេសដូចគ្នា។
Victor Osimhen បាននិយាយបែបនេះថា៖ “ខ្ញុំប្រឹងប្រែងហ្វឹកហាត់ណាស់ ដើម្បីសម្រេចក្ដីបំណងក្នុងការលេងនៅ Premier League នៅថ្ងៃណាមួយ។ ប៉ុន្តែដូចដែលខ្ញុំបាននិយាយអីចឹង ខ្ញុំនឹងបន្ដប្រឹងប្រែងទៀត ហើយនឹងធ្វើឱ្យបានល្អ”។ កីឡាករនីហ្សេរីយ៉ា រូបនេះនៅសល់កុងត្រា២ឆ្នាំទៀតជាមួយ Napoli ។ ដោយឡែកតម្លៃផ្ទេររបស់គេនាពេលបច្ចុប្បន្ន ក៏មិនក្រោម១០០លានផោនដែរ៕