លោក Erik ten Hag បានបញ្ជាឱ្យសមាជិកក្រុមបិសាចក្រហម Manchester United ទាំងអស់មកហ្វឹកហាត់នៅទីលានលឿនជាងរាល់ដង២ម៉ោង ក្រោយពីពួកគេលេងចាញ់ Liverpool ៧-០។
កាលពីរដូវកាលមុន ចាញ់ក្រុម Liverpool ៥-០ ក្រោមការដឹកនាំរបស់លោក Ole បានឱ្យកីឡាករសម្រាក១ថ្ងៃដើម្បីប្រមូលអារម្មណ៍ឡើងវិញ។ តែរដូវកាលនេះ ចាញ់ក្រុម Liverpool ៧-០ ក្រោមការដឹកនាំរបស់លោក Ten Hag វិញម្ដង មិនបានផ្ដល់ពេលឱ្យកីឡាករ Man Utd សម្រាកនោះទេ។ លោកបានបញ្ជាឱ្យកីឡាករទាំងអស់មកហ្វឹកហាត់វិញភ្លាម ហើយថែមទាំងមកឱ្យបានមុន២ម៉ោងថែមទៀត។
លោក Ten Hag បានបញ្ជាក់ថាការមកមុន២ម៉ោងនេះ ដើម្បីប្រជុំគ្នានិយាយពីចំណុចខ្វះខាតក្នុងក្រុម។ បរាជ័យមិនមែនមកពីកីឡាករម្នាក់ឬ២នាក់នោះទេ ប៉ុន្តែជាការបរាជ័យទាំងក្រុមតែម្ដង។ គ្រប់គ្នាមិនបានធ្វើតាមការគ្រោងទុកឡើយ។ ដោយនេះពិតជាមិនសក្ដិសមជាកីឡាករអាជីពនិងជាកីឡាករលេងតំណាងក្រុម Manchester United ឡើយ៕