ក្រុម Roma បានឡើងលេខ៤ក្នុងតារាង Serie A ក្រោយពីពួកគេយកឈ្នះលើក្រុម Juventus ក្នុងលទ្ធផល ១-០ ក្នុងការប្រកួតនៅយប់មិញនេះ។
Roma ប្រកួតមុនបានបរាជ័យក្រោមថ្វីជើងក្រុមបាតតារាង Cremonese ប៉ុន្តែនៅសប្ដាហ៍នេះវិញ ពួកគេបានត្រលប់មករក៣ពិន្ទុវិញហើយ ដោយយកឈ្នះក្រុមខ្លាំង Juventus តែម្ដង។ ក្រុមរបស់លោក Jose Mourinho យកឈ្នះក្រុម Juventus បានក្នុងលទ្ធផល ១-០ ដោយ១គ្រាប់នោះរកបានដោយកីឡាករ Gianluca Mancini ដែលជាខ្សែការពារទាត់១ជើងពីចម្ងាយ។
នៅពេលនេះ Roma នៅលេខ៤ក្នុងតារាង Serie A ដោយមាន៤៧ពិន្ទុ ស្របពេលក្រុម Juventus វិញនៅលេខ៨មាន៣៥ពិន្ទុ។ ក្រុម Roma កំពុងកាន់កាប់កំណត់ត្រាឈ្នះក្នុងទឹកដីខ្លួនឯង៥ប្រកួតជាប់គ្នាមកហើយ និងមិនទាន់របូតគ្រាប់បាល់១គ្រាប់នោះទេ៕