លោក Erik ten Hag បានអះអាងថាខ្សែបម្រើ Casemiro ដែលឈ្នះពានរង្វាន់ UEFA Champions League បានដល់ទៅ៥ដងគឺមិនមែនជារឿងលេងសើចនោះទេ គេមានឆន្ទះឈ្នះក្នុងខ្លួនទៅហើយ។
លោក Ten Hag បាននិយាយថា៖ “Casemiro និង Varane ឈ្នះពានរង្វាន់ UEFA Champions League ដល់ទៅ៥សម័យកាល។ វាមិនមែនជារឿងធម្មតានោះទេដែល អ្នកគ្រប់គ្នាអាចសម្រេចបានដូច្នេះ។ សម្រាប់ខ្ញុំ ក្រុមនឹងឈ្នះ ប្រសិនបើកីឡាករមានចិត្តចង់ឈ្នះ។ ផ្ទុយទៅវិញ ក្រុមនឹងបរាជ័យដូចគ្នា ប្រសិនបើកីឡាករគិតតែរឿងបរាជ៏័យ។ ខ្ញុំដឹងពីសមត្ថភាពរបស់ Casemiro គាត់បានបង្ហាញគ្រប់គ្នាឱ្យឃើញទៅហើយ។ គាត់ពិតជាសំខាន់សម្រាប់ MU តាំងពីតំបន់ការពារ ចែកបាល់ និងចិត្តសាស្ត្រលើទីលានផងដែរ”។
ក្រុម Man Utd នារដូវកាលនេះមានទម្រង់លេងប្លែកគួរឱ្យចាប់អារម្មណ៍មែនទែន។ ពួកគេទើបបំបែកកំណត់ត្រាមិនឈ្នះពានសោះ៦ឆ្នាំចុងក្រោយនេះ ក្រោយពីលើកពាន Carabao Cup កាលពីពេលកន្លងទៅ។ ស្របពេលបច្ចុប្បន្នក៏នៅសល់ពាន៣ទៀតក្នុងដៃដែលអាចប្រកួតប្រជែងបានផងដែរ៕