Herrera ខ្សែបម្រើរបស់ក្រុមបិសាចក្រហម Manchester United រំពឹងថាការយកឈ្នះ Juventus ១-២ កន្លងទៅនេះ អាចជាកម្លាំងចិត្តសំខាន់ឱ្យក្រុមដើម្បីប្រកួតទល់ Man City ចុងសប្ដាហ៍នេះ។
ក្រុមបិសាចក្រហម នឹងត្រូវតតាំងជាមួយក្រុម Man City នៅថ្ងៃអាទិត្យម៉ោង១១:៣០នាទីចុងសប្ដាហ៍នេះ។ ដោយវាជាការប្រកួតសំខាន់បំផុត របស់ក្រុមទាំងសងខាង ព្រោះថាបិសាចក្រហមក៏ត្រូវការពិន្ទុចាំបាច់ ខណៈដែល Man City កាន់តែត្រូវការថែមទៀត ដើម្បីបន្ដតំណែងកំពូលតារាងរបស់ពួកគេ។
មុនការប្រកួតឈានចូលមកដល់ Herrera ខ្សែបម្រើរបស់បិសាចក្រហមបានបង្ហាញចំណាប់អារម្មណ៍ថា៖ “ខ្ញុំមិនចង់ប្រៀបធៀបលទ្ធផលទេ ប៉ុន្តែការឈ្នះ Juventus កាន់តែធ្វើឱ្យយើងមានសង្ឃឹម និងកម្លាំងចិត្ត១កម្រិតទៀត។ យើងសង្ឃឹមថា Manchester Derby នៅថ្ងៃអាទិត្យនេះ នឹងធ្វើឱ្យអ្នកគាំទ្រសប្បាយរីករាយ ហើយយើងអាចឈ្នះវាបាន”៕ប្រភពDailyMail
