Giroud ​រក​បាន​១​គ្រាប់​ឱ្យ Chelsea ​ហើយ ​ក្នុង​រយៈ​ពេល​៥​ខែ​ចុង​ក្រោយ​នេះ

ខ្សែ​ប្រយុទ្ធ Olivier Giroud ​រក​បាន​គ្រាប់​បាល់​ដំបូង​ឱ្យ​ក្រុម Chelsea ​ក្នុង​រយៈ​ពេល​៥​ខែ​ចុង​ក្រោយ​នេះ​ហើយ ​ដោយ​ស៊ុត​ចូល​ក្រុម Bate ​ក្នុង​ពាន​រង្វាន់ Europa League ។

១​គ្រាប់​របស់​កីឡាករ​បារាំង​ខាង​លើ​នេះ គឺ​ជា​គ្រាប់​បាល់​ជ័យជម្នះ​តែ​ម្ដង​ឱ្យ​តោ​ខៀវ។ ខណៈ​ដែល​វា​ក៏​ជា​គ្រាប់​បាល់​ដែល​ទើប​តែ​មាន​ឡើង​សម្រាប់ Giroud ​ឱ្យ​ក្រុម Chelsea ​ដែរ។ មួយ​វិញ​ទៀត បាន​៣​ពិន្ទុ​នេះ ក៏​បាន​ធ្វើ​ឱ្យ Chelsea ​ឡើង​វគ្គ​៣២​ក្រុម​ចុង​ក្រោយ ​ដោយ​ស្វ័យ​ប្រវត្តិ ​បើ​ទោះ​ជា​នៅ​សល់​ការ​ប្រកួត​ដល់​ទៅ​២​ប្រកួត​ទៀត​ក៏​ដោយ។ បច្ចុប្បន្ន Chelsea ​មាន​១២​ពិន្ទុ​ពេញ​តែ​ម្ដង ឆ្លង​កាត់​ការ​ប្រកួត​៤​ប្រកួត​កន្លង​មក។

និយាយ​ពី​ការ​រក​គ្រាប់​បាល់​វិញ ​Giroud ​បង្ហាញ​ចំណាប់​អារម្មណ៍​ថា​រូបគេ​ពេញ​ចិត្ត​ក្នុង​ការ​ស្វែង​រក​គ្រាប់​បាល់​បាន​នេះ។ អ្វី​ដែល​កាន់​តែ​ពិសេស​នោះ វា​ជា​គ្រាប់​ដំបូង​របស់​គេ​ក្នុង​ពេល​៥​ខែ ​ហើយ​សង្ឃឹម​ថា​អ្នក​គាំទ្រ​នឹង​ចាប់​ផ្ដើម​សប្បាយ​ចិត្ត​វិញ ​ដោយសារ​១​គ្រាប់​ដ៏​សំខាន់​យប់មិញ៕ប្រភពDailyMail

 

ភ្ជាប់ទំនាក់ទំនងជាមួយ CTS SPORT