លោក Mikel Arteta បានមើលឃើញថាសមាជិកក្រុមកាំភ្លើងធំ Arsenal នាពេលបច្ចុប្បន្នគឺពិតជាស្រែកឃ្លានជ័យជម្នះមែនទែន ដើម្បីមានឱកាសឈ្នះពានរង្វាន់ English Premier League។
នៅយប់មិញនេះ ក្រុម Arsenal បានយកឈ្នះទៅលើក្រុម Everton ក្នុងលទ្ធផល ៤-០ ឯណោះ។ ដោយ៤គ្រាប់នោះរកបានដោយ Saka នៅនាទី៤០ Martinelli នៅនាទី៤៥+១និង ៨០ ហើយ Odegaard នាទី៧១។ ៤គ្រាប់នេះ បានជួយឱ្យកាំភ្លើងធំទទួលបាន៣ពិន្ទុទៀត ដើម្បីនាំមុខទៅលើក្រុម Man City នៅចំណាត់ថ្នាក់លេខ២ រហូតដល់៥ពិន្ទុហើយ ឆ្លងកាត់២៥ប្រកួតដូចគ្នា។
លោក Arteta បាននិយាយក្រោយចប់ការប្រកួតថា៖ “នៅពេលអ្នកមើលទៅពួកគេរាល់ថ្ងៃ អ្នកនឹងដឹងថាពួកគេចង់ឈ្នះកម្រិតណា។ យើងត្រូវតែបន្ដផ្ដោតទៅលើអ្វីដែលយើងអាចធ្វើបាន ហើយក្រៅពីនោះឱ្យវាកើតតាមធម្មតាទៅ ព្រោះរឿងខ្លះយើងមិនអាចគ្រប់គ្រងបានទេ។ យើងបានត្រឹមតែគិតពីក្រុមខ្លួនឯងប៉ុណ្ណោះ”៕