Welbeck ​បាក់​ក​ជើង​ខាង​ឆ្វេង ​ក្នុង​ការប្រកួត​ស្មើ Sporting ​យប់មិញ

ខ្សែ​ប្រយុទ្ធ Danny Welbeck ​បាន​រង​របួស​បាក់​ក​ជើង​ខាង​ឆ្វេង ​ក្នុង​ការ​ប្រកួត​ស្មើ Sporting ​០-០ ​នា​ពាន​រង្វាន់ Europa League ​។

Welbeck ​ត្រូវ​បញ្ជូន​ទៅ​កាន់​មន្ទីរពេទ្យ​ភ្លាម​ៗ​តែ​ម្ដង ​ក្រោយ​ពី​ប៉ះ​ទង្គិច​ជាមួយ​កីឡាករ Sporting ​រហូត​ដល់​របួស​ធ្ងន់​ខ្លាំង​មែនទែន។ ​លោក Unai Emery  ​អ្នក​ចាត់ការ​ក្រុម Arsenal ​បាន​បញ្ជាក់​ថា​កីឡាករ​អង់គ្លេស​រូប​នេះ បាន​បាក់​ក​ជើង​ខាង​ឆ្វេង​របស់​គេ​ទៅ​ហើយ។ របួស​នេះ ​បាន​ធ្វើ​ឱ្យ​សមាជិក​ក្រុម​ដទៃ​ទៀត​ជា​ពិសេស​កីឡាករ Mateo Guendouzi ​ហាក់​ដូចជា​ភ័យ​ខ្លាច​មែនទែន នៅ​ពេល​ឃើញ​របួស​នោះ​ផ្ទាល់​ភ្នែក​ដូច្នេះ។

លោក Emery ​បាន​និយាយ​ដែរ​ថា ​របួស​បាក់​ជើង​នេះ​បាន​ធ្វើ​ឱ្យ​ក្រុម Arsenal ​បាត់បង់​ទំនុក​ចិត្ត​ក្នុង​ការ​ប្រកួត​បាត់​ទៅ​ហើយ។ ពួកគេ​ហាក់​ដូចជា​មិន​ហាន​លេង​ដូច​មុន​ឡើយ ទើប​ធ្វើ​ឱ្យ​ការ​ប្រកួត​បញ្ចប់​ទៅ​ក្នុង​លទ្ធផល​ស្មើ​គ្នា​ដូច្នេះ៕ប្រភពDailyMail

 

ភ្ជាប់ទំនាក់ទំនងជាមួយ CTS SPORT