លោក Jurgen Klopp អ្នកចាត់ការក្រុមហង្សក្រហម Liverpool បាននិយាយថាក្រុមរបស់លោកនឹងត្រលប់មកខ្លាំងម្ដងទៀតមិនខាន នៅពេលអនាគត។
ក្រុម Liverpool បានធ្លាក់ចេញពីពានរង្វាន់នានាអស់ហើយនារដូវកាលនេះ។ នៅ UEFA Champions League វគ្គ១៦ក្រុមចុងក្រោយ ពួកគេបានបរាជ័យក្រោមថ្វីជើងក្រុម Real Madrid ៥-២ ទៅហើយនៅជើងទី១ ដូច្នេះពិតជាពិបាកក្នុងការវាយបកវិញនៅជើងទី២ដើម្បីឈ្នះវិញណាស់ ព្រោះលេងនៅទឹកដីអេស្ប៉ាញទៀត។ ខណៈដែលនៅ Premier League វិញ ឱកាសប្រជែងពានបានអស់ទៅហើយ ស្របពេលការប្រជែង Top4 វិញ គឺក្រុម Liverpool កំពុងចាញ់ពិន្ទុក្រុមលេខ៤ Spurs រហូតដល់៩ពិន្ទុ។
លោក Klopp អ្នកចាត់ការក្រុមនៅតែមានទំនុកចិត្តថានឹងអាចត្រលប់មកខ្លាំងវិញបានដដែលនៅរដូវកាលក្រោយ។ លោក បានអះអាងថា៖“យើងត្រូវតែលេង និងសប្បាយចិត្តចំពោះអ្វីដែលយើងអាចធ្វើទៅបាននៅពេលនេះ។ ខ្ញុំគិតថាយើងបានត្រៀមរូចរាល់ហើយ យើងអាចធ្វើវាបាន។ យើងនឹងត្រលប់មកភាពខ្លាំងរបស់យើងវិញនៅពេលអនាគត”៕