• ញាក់​សាច់! ​ជម្រើស​ជាតិ​ប្រេស៊ីល ​សំងំ​ហ្វឹកហាត់​ទីលាន​តម្លៃ​ជាង​៣​លាន​ដុល្លារ

    ក្រោយ​ពី​ប្រកាស​បញ្ជី​ឈ្មោះ​ជម្រើស​ជាតិ​២៣​នាក់​ហើយ ​ក្រុម​ប្រេស៊ីល​បាន​រៀប​ចំ​កន្លែង​ហ្វឹកហាត់​របស់​ខ្លួន​ហើយ​ដោយ​មាន​តម្លៃ​រហូត​ដល់​ជាង​៣​លាន​ដុល្លារ​ឯ​ណោះ។

     

    កន្លែង​ហ្វឹកហាត់​នេះ ​ត្រូវ​ចំណាយ​ពេល​សាងសង់​៥​ខែ ​ដែល​ជា​កន្លែង​ល្អ​ឥត​ខ្ចោះ​មួយ​សម្រាប់​ហ្វឹកហាត់។ ប្រធាន​សហព័ន្ធ​បាល់ទាត់​ប្រេស៊ីល ​បាន​បញ្ជាក់​ដែរ​ថា​នេះ​ជា​ការ​រៀប​ចំ​មួយ​ដែល​តម្រូវ​ឱ្យ​តាម​ស្ដង់ដារ ​ដើម្បី​ឱ្យ​កីឡាករ​បាន​សម្រាក និង​មាន​អារម្មណ៍​ស្រស់ថ្លា​ដើម្បី​លេង​អស់​ពី​សមត្ថភាព។ វា​មាន​ទីលាន​សរុប​៥​ទីលាន ​និង​មាន​កន្លែង​ហាត់​ប្រាណ​ស្ដង់ដារ ​កន្លែង​ប្រជុំ​២​កន្លែង ​ដែល​អាច​ដាក់​មនុស្ស​សរុប​បាន​៦០​នាក់ ​និង​កន្លែង​លេង​ហ្គេម​ជា​ច្រើន​ទៀត​សម្រាប់​លំហែរ​អារម្មណ៍។

    ក្រុម​ជម្រើស​ជាតិ​ប្រេស៊ីល​នឹង​ហ្វឹកហាត់​នៅ​ទី​នេះ មុន​ការ​ប្រកួត​មិត្តភាព​ជាមួយ​ក្រុម​ក្រូអាត​នៅ​អង់គ្លេស ​ថ្ងៃ​ទី​៣​ខែ​ក្រោយ ​និង​ប៉ះ​ជាមួយ​អូទ្រីស​៧​ថ្ងៃ​បន្ទាប់។ ក្រោយ​ពី​ចប់​ការ​ប្រកួត​មិត្តភាព​២​ប្រកួត​នេះ​ទៅ ​ពួកគេ​នឹង​ហោះ​ទៅ​រុស្ស៊ី​តែ​ម្ដង ដើម្បី​ត្រៀម​ចូល​លេង World Cup 2018៕ប្រភព៖DailyMail

    ភ្ជាប់ទំនាក់ទំនងជាមួយ CTS SPORT