ជារឿងគួរឱ្យភ្ញាក់ផ្អើលមួយសម្រាប់អ្នកគាំទ្រ នៅពេលក្រុម FC Barcelona លេងចាញ់ក្រុម Almeria ក្នុងលទ្ធផល ១-០ក្នុងការប្រកួតពានរង្វាន់ La Liga នៅយប់មិញនេះ។
ក្រុមអ្នកមានបុណ្យទើបតែបរាជ័យធ្លាក់ចេញពីពានរង្វាន់ Europa League កាលពីពាក់កណ្ដាលសប្ដាហ៍កន្លងទៅនេះក្រោមថ្វីជើង Manchester United ។ ដោយឡែកនៅក្របខណ្ឌ La Liga នេះទៀតសោត ពួកគេក៏បន្ដធ្វើមិនបានល្អទៀត ដោយបរាជ័យ ១-០ ក្រោមថ្វីជើងក្រុម Almeria ។ នេះក៏ជាការរបូតឱកាសដាច់ពិន្ទុក្រុម Real Madrid ដល់ទៅ១០ពិន្ទុផងដែរ។
នៅពេលនេះ FC Barcelona ឈរកំពូលតារាង La Liga ដដែល ដោយនាំមុខក្រុម Real Madrid ចំនួន៧ពិន្ទុឯណោះ។ នៅយប់មិញ បើសិនជាទទួលបានជ័យជម្នះទៀត នោះនឹងដាច់ដល់ទៅ១០ពិន្ទុ សង្ឃឹមកាន់តែច្រើនមែនទែនក្នុងការលើកពាន La Liga ទៅហើយ។ លោក Xavi អ្នកចាត់ការក្រុម Barcelona បានចាត់ទុកទម្រង់លេងនៅយប់មិញ ជាទម្រង់លេងអន់បំផុតក្នុងរដូវកាលនេះរបស់ក្រុម Barcelona ហើយ៕