ក្រុមអធិរាជស Real Madrid កាន់តែឆ្ងាយពីកំពូលតារាង La Liga ទៀតហើយ ក្រោយពីពួកគេលេងបានត្រឹមស្មើជាមួយក្រុម Atletico Madrid ក្នុងលទ្ធផល ១-១ ប៉ុណ្ណោះ។
ក្នុងការប្រកួត La Liga នៅយប់មិញនេះ ក្រុម AT Madrid នៅសល់ត្រឹមគ្នា១០នាក់ផង ប៉ុន្តែក៏អាចរកបានគ្រាប់បាល់នាំមុខទៅលើក្រុម Real Madrid បានមុនថែមទៀត។ យ៉ាងណាមិញ ក្រុមរបស់លោក Carlo Ancelotti ក៏អាចរកបានគ្រាប់បាល់តាមស្មើវិញផងដែរនៅចុងម៉ោងទៅហើយ ដើម្បីចែកគ្នាម្នាក់មួយពិន្ទុក្នុងការប្រកួតលីគ La Liga នាសប្ដាហ៍នេះ។
ក្រុម Real Madrid នាពេលបច្ចុប្បន្នក្រោយពីស្មើគ្នានេះដែរ គឺកាន់តែពិបាកក្នុងការប្រជែងជាមួយក្រុម FC Barcelona ទៀតហើយ។ នៅពេលនេះ Barcelona ឈរនៅលេខ១កំពូលតារាង លើសក្រុម |Real Madrid ៧ពិន្ទុ និងមាន១ប្រកួតសល់ក្នុងដៃទៀត។ ដូច្នេះប្រសិនបើពួកគេឈ្នះ១ប្រកួតនោះទៀត នោះគម្លាត Barcelona និង Real Madrid នឹងមានដល់១០ពិន្ទុឯណោះ៕