ខ្សែប្រយុទ្ធ Cristiano Ronaldo បន្ដរកបានហែតទ្រីកឱ្យក្រុម Al Nassr ទៀតហើយនៅយប់មិញនេះ ដោយយកឈ្នះលើក្រុម Damac ក្នុងលទ្ធផល ៣-០ ក្នុងលីគអារ៉ាប់ប៊ីសាអូឌីត។
៣គ្រាប់របស់ Ronaldo នេះដែរ ធ្វើបានតាំងពីតង់ទី១មកម្ល៉េះ ជាមួយការទាត់ប៉េណាល់ទី១គ្រាប់ និងស៊ុតដោយបច្ចេកទេស២គ្រាប់។ អ្នកគាំទ្ររបស់ក្រុម Al Nassr ពិតជារីករាយមែនទែន នៅពេលបានឃើញខ្សែប្រយុទ្ធកំពូលរបស់ពិភពលោកនេះកំពុងសប្បាយចិត្ត និងធ្វើបានយ៉ាងល្អជាមួយសមាជិកក្រុមដទៃទៀត។ ដោយបច្ចុប្បន្ននេះតាំងពីផ្លាស់មកលេងនៅ Al Nassr បាន៦ប្រកួតមកនេះ រូបគេរកបានគ្រាប់បាល់សរុប៨គ្រាប់មកហើយ។
ក្លឹប Al Nassr នៅពេលនេះក៏ឈរនៅកំពូលតារាង Saudi Pro League ផងដែរឆ្លងកាត់១៨ប្រកួតមកនេះ ពួកគេមាន៤៣ពិន្ទុ។ ក្រុមលេខ២ Al lttihad នៅលេខ២ មាន៤១ពិន្ទុ និងក្រុមលេខ៣ Al Shabab មាន៤០ពិន្ទុ៕