ក្រុមហង្សក្រហម Liverpool លេងបានត្រឹមស្មើជាមួយក្រុម Crystal Palace ក្នុងលទ្ធផល ០-០ ប៉ុណ្ណោះក្នុងពានរង្វាន់ English Premier League នៅយប់មិញនេះ។
បន្ទាប់ពីបរាជ័យយ៉ាងអាម៉ាស់នៅទឹកដីខ្លួនឯងក្រោមថ្វីជើង Real Madrid ៥-២ មក ក្រុមហង្សក្រហម Liverpool នៅតែមិនអាចស្វែងរកជ័យជម្នះបានដដែល។ ពួកគេលេងបានត្រឹមស្មើជាមួយក្រុម Crystal Palace ក្នុងលទ្ធផល ០-០ ប៉ុណ្ណោះនៅយប់មិញ ដែលធ្វើឱ្យអ្នកគាំទ្របន្ដខកចិត្តទៀតផងដែរ។ ការខកចិត្តនោះ ក៏ព្រោះថាបើបន្ដលេងមិនបាន៣ពិន្ទុបែបនេះទៀត នោះក្រុម Liverpool នឹងពិបាកក្នុងការប្រជែងតំបន់ Top4 មិនខាន។
លោក Klopp បានអះអាងថាក្រុមកីឡាកររបស់លោកនៅមិនទាន់ប្រមូលកម្លាំងមកវិញគ្រប់គ្រាន់នោះទេ បន្ទាប់ពីលេងចាញ់ Real Madrid កាលពីពាក់កណ្ដាលសប្ដាហ៍កន្លងទៅ។ មួយវិញទៀត ក្រុមរបស់លោកក៏ទើបមានកីឡាកររបួសត្រលប់មកវិញផងដែរ ដូច្នេះក៏ត្រូវការពេលបន្ដិចទៀតដើម្បីប្រសើរឡើងវិញដែរ៕