អតីតអ្នកចាំទី Peter Schmeichel របស់ក្រុម Manchester United បានអះអាងថាក្រុមបិសាចក្រហមនេះត្រូវការពេលរហូតដល់១០ឆ្នាំ ទម្រាំអាចរកអ្នកចាត់ការត្រូវម្នាក់បានគឺលោក Erik ten Hag នេះហើយ។
ចាប់តាំងពីលោក Sir Alex Fugerson ចូលនិវត្តន៍នៅឆ្នាំ២០១៣ទៅ ក្លឹប Man Utd បានផ្លាស់ប្ដូរអ្នកចាត់ការច្រើននាក់មកហើយដែរ ប៉ុន្តែនៅមិនទាន់រកបានម្នាក់ណាសក្ដិសមនិងយល់ច្បាស់នោះទេ។ រហូតដល់រដូវកាលនេះ ពួកគេបាននាំយកលោក Erik ten Hag មកវិញម្ដង និងឃើញថាដើមរដូវកាលមានការរកាំរកូសច្រើនដែរ តែចាប់តាំងពី World Cup 2022 ចប់ ឃើញថាលោកដឹកនាំក្រុមបានល្អណាស់ និងទទួលបានជ័យជម្នះជាប់ជានិច្ច។
ដោយសារតែមើលឃើញពីភាពយល់ច្បាស់ពីក្រុម និងតាក់តិចលេងល្អនេះហើយ ទើបលោក Peter Schmeichel វ័យ៥៩ឆ្នាំនិងធ្លាប់ចាំទីឱ្យ Man Utd ជិត១០ឆ្នាំដែរនោះ ចេញមុខមកនិយាយថា៖ “វាបានចំណាយពេលជិត១០ឆ្នាំដើម្បីមកដល់ចំណុចនេះវិញ WoW យើងទទួលបានអ្នកដឹកនាំក្រុមក៏ត្រឹមត្រូវម្នាក់ហើយ។ Ten Hag បានផ្លាស់ប្ដូរក្លឹបមួយនេះ ទំនុកចិត្ត ការហ៊ានលេង របស់ Man Utd បានត្រលប់មកវិញហើយ”៕