លោក Erik ten Hag បានអះអាងថាការយកឈ្នះលើក្រុម FC Barcelona បានគឺកាន់តែធ្វើឱ្យក្រុម Manchester United មានទំនុកចិត្ដទ្វេរដងក្នុងការប្រកួតជាមួយក្រុមខ្លាំងៗដទៃទៀត។
Man Utd បានធ្វើឱ្យអ្នកគាំទ្រនៅ Old Trafford សប្បាយចិត្តនិងរំភើបជាខ្លាំងជាមួយការវាយបកយកឈ្នះលើក្រុម FC Barcelona បានក្នុងលទ្ធផល ២-១ នៅយប់មិញ។ នៅតង់ទី១ Man Utd ត្រូវបាន Barcelona នាំមុខ១គ្រាប់មុន ប៉ុន្តែលោក Ten Hag បានផ្លាស់ប្ដូរកីឡាករនៅតំបន់ប្រយុទ្ធសម្រាប់តង់ទី២ ហើយក៏ឃើញថាទទួលបានផលផងដែរ។ ពួកគេអាចរកបាន២គ្រាប់មកវិញ ដើម្បីយកឈ្នះ Barcelona បាន ២-១ និងកក់កៅអីវគ្គ១៦ក្រុមចុងក្រោយនៃពានរង្វាន់ UEFA Europa League ផងដែរ។
លោក Ten Hag អ្នកចាត់ការក្រុម FC Barcelona បាននិយាយក្រោយចប់ការប្រកួតថា៖ “ខ្ញុំគិតថាជ័យជម្នះនេះគឺជាជំហានថ្មីទៀត ព្រោះអ្នកអាចយកឈ្នះ Barcelona បានដែលជាក្រុមខ្លាំងបំផុតមួយនៅអឺរ៉ុបនាពេលបច្ចុប្បន្ន។ អ្នកធ្វើបាន អ្នកនឹងកាន់តែមានទំនុកចិត្តមួយកម្រិតទៀតថាអ្នកអាចប្រកួតជាមួយក្រុមណាក៏បានដែរ”៕