លោក Xavi សង្ឃឹមថាក្រុម FC Barcelona នឹងត្រលប់មកប្រកួតពានរង្វាន់ទ្វីបអឺរ៉ុបម្ដងទៀតនៅឆ្នាំក្រោយ ជាមួយការតាំងចិត្តខ្ពស់ និងធ្វើឱ្យបានល្អជាងឆ្នាំនេះ។
Barcelona បានចាញ់ក្រុម Man Utd ក្នុងលទ្ធផល ២-១ នៅជើងទី២នៃពានរង្វាន់ Europa League និងធ្លាក់ចេញពីពានរង្វាន់មួយនេះទៅហើយ។ ឆ្នាំនេះអាចនិយាយបានថាជាឆ្នាំមិនល្អនោះ ទេសម្រាប់ក្រុមអ្នកមានបុណ្យមកពីអេស្ប៉ាញនេះ ស្របពេលពួកគេធ្លាក់ចេញពីពាន UEFA Champions League និងមកដល់ Europa League ធ្លាក់ចេញថែមទៀតមិនអាចឈានដល់វគ្គ១៦ក្រុមចុងក្រោយផង។
លោក Xavi បាននិយាយចំពោះការធ្វើមិនបានល្អនេះដែរថា៖ “សង្ឃឹមថានៅរដូវកាលក្រោយ។ ឆ្នាំនេះយើងបានប្រកួតជាមួយក្រុមខ្លាំង Bayern Munich Inter Milan និងចុងក្រោយនេះប៉ះ Manchester United ទៀត។ យើងត្រូវធ្វើឱ្យល្អជាងនេះ។ យើងនឹងត្រលប់មកវិញ និងខ្លាំងជាងមុននៅរដូវកាលក្រោយ”៕