ក្រុមបិសាចក្រហម Manchester United បានត្រលប់មកវិញហើយ បន្ទាប់ពីបន្ដធ្វើបានល្អយកឈ្នះលើក្រុម FC Barcelona បានក្នុងលទ្ធផល ២-១ ជើងទី២នៃពានរង្វាន់ Europa League ។
កាលពីជើងទី១កន្លងទៅនៅទឹកដី Barcelona ក្រុមទាំងពីរបានត្រឹមស្មើគ្នាក្នុងលទ្ធផល ២-២ ប៉ុណ្ណោះ។ យ៉ាងណាមិញ ឈានដល់ជើងទី២នៅយប់មិញនេះ ក្រុម Barcelona ដដែលក៏ជាអ្នកនាំមុខទៅលើក្រុមម្ចាស់ផ្ទះ Man Utd មុនដែរ។ តែយ៉ាងណា នៅតង់ទី២ គ្រប់យ៉ាងបានប្រែប្រួលមកវិញ។ ក្រុម Man Utd បានវាយបករកបានដល់ទៅ២គ្រាប់ឯណោះពីសំណាក់កីឡាករ Fred ១គ្រាប់និង Anthony ១គ្រាប់។ ចប់ការប្រកួតនៅជើងទី២នេះ Man Utd យកឈ្នះ Juventus ក្នុងលទ្ធផល ២-១។
នេះជាការធ្វើបានល្អមែនទែនសម្រាប់ក្រុម Man Utd ក្រោមការដឹកនាំរបស់លោក Erik ten Hag នារដូវកាលដំបូងនេះ។ ពួកគេធ្វើបានល្អក្នុងលីគ ហើយនៅពានរង្វាន់ Europa League នេះក៏កាន់តែល្អទៀត ក្រោយពីយកឈ្នះ Barcelona បានក្នុងលទ្ធផលសរុបទាំងពីរជើង ៤-៣ ៕