Jamie Carragher អតីតកីឡាករ Liverpool បានបង្ហាញអារម្មណ៍ពិតរបស់ខ្លួនទៅលើក្រុម Real Madrid ថាពិតជាក្រុមល្អមែន ហើយតាំងពីដើមមក លោកមិនដែលឃើញក្រុមណាអាចបំផ្លាញ Liverpool បានដូចក្រុមមកពីអេស្ប៉ាញនេះទេ។
នៅទឹកដី Anfield ជើងទី១នៃពានរង្វាន់ UEFA Champions League កន្លងទៅនេះ ក្រុមម្ចាស់ផ្ទះ Liverpool បានបើកការនាំមុខមុនទៅលើក្រុម Real Madrid បាន២គ្រាប់មុនទៅហើយ។ តែនៅទីបញ្ចប់ ពួកគេនៅតែបរាជ័យវិញដដែល ពោលគឺក្រុមរបស់លោក Carlo Ancelotti អាចវាយបកវិញបាន រហូតឈ្នះវិញក្នុងលទ្ធផល ២-៥ ឯណោះ។ ដោយនេះជាលើកទី១ហើយនៅ Champions League ដែលមានក្រុមអាចស៊ុតបានដល់៥គ្រាប់នៅទឹកដី Anfield ។
ចំពោះការបរាជ័យយ៉ាងទក់សាច់នេះដែរ លោក Jamie Carragher ដែលតែងតែនិយាយគាំទ្រដល់ Liverpool តាំងពីដើមមកនោះ ក៏ចេញមុខទទួលស្គាល់ដែរ។ លោក បានអះអាងថា៖ “ខ្ញុំត្រូវតែនិយាយថា Real ពិតជាលេងល្អណាស់នៅ Anfield ។ ខ្ញុំមិនដែលឃើញក្រុមណាដែលបំផ្លាញ Liverpool នៅ Anfield បែបនេះទេ។ វាជាការប្រកួតអន់បំផុតសម្រាប់ Liverpool ។ វាពិតជាគួរឱ្យខ្មាសណាស់ Liverpool លេងការពារពិតជាអន់ខ្លាំង”៕