លោក Erik ten Hag អ្នកចាត់ការក្រុមបិសាចក្រហម Manchester United បានអះអាងថាក្រុមរបស់លោកត្រូវតែលេងឱ្យដល់កម្រិតកំពូលបំផុត ទើបអាចមានឱកាសយកឈ្នះលើក្រុម FC Barcelona បាន។
ក្រុម Man Utd នឹងបើកកីឡដ្ឋាន Old Trafford របស់ខ្លួនស្វាគមន៏ក្រុមភ្ញៀវ FC Barcelona នៅរាត្រីនេះ សម្រាប់ជើងទី២នៃពានរង្វាន់ UEFA Europa League។ ខណៈដែលជំនួបរវាងក្រុមទាំងពីរកាលពីជើងទី១កន្លងទៅ គឺពួកគេបានត្រឹមស្មើគ្នាក្នុងលទ្ធផល ២-២ ប៉ុណ្ណោះ។ ដោយរាត្រីនេះ គឺជារាត្រីកាត់សេចក្ដីក្រុមណាឡើងទៅវគ្គបន្ដ និងក្រុមណាត្រូវធ្លាក់ចេញពីពានរង្វាន់ហើយ។
សម្រាប់លោក Ten Hag បាននិយាយមុនការប្រកួតថា៖ “នៅពេលអ្នកត្រូវប្រកួតជាមួយក្រុមល្អដូចជា Barcelona អ្នកត្រូវតែលេងឱ្យបានដល់កម្រិតខ្ពស់បំផុត បើមិនដូច្នេះទេអ្នកគ្មានឱកាសឈ្នះឡើយ។ យើងមានឱកាស ប៉ុន្តែយើងក៏ត្រូវផ្ដោតនិងលេងឱ្យបានល្អបំផុតតាមផែនការផងដែរ”៕