នៅយប់មិញនេះ គឺជាលើកដំបូងហើយក្នុងប្រវត្តិសាស្ត្រក្រុម Liverpool ដែលរបួតគ្រាប់បាល់ដល់ទៅ៥គ្រាប់ក្នុងទឹកដី Anfield នាពានរង្វាន់ UEFA Champions League ។
ជារឿងគួរឱ្យភ្ញាក់ផ្អើលមួយផងដែរក្នុងវិស័យបាល់ទាត់ នៅពេលដែលក្រុម Liverpool មានឱកាសនាំមុខក្រុម Real Madrid ដល់ទៅ២គ្រាប់មុនទៅហើយ ប៉ុន្តែបែរជាបណ្ដោយឱ្យក្រុមអេស្ប៉ាញនេះវាយបកតាមវិញ រហូតដល់យកឈ្នះក្នុងលទ្ធផល ៥-២ ។ ដោយនេះជាលើកដំបូងហើយ នៅពានរង្វាន់ UEFA Champions League ដែលក្រុមមួយនាំមុខ២គ្រាប់មុន តែចុងក្រោយបរាជ័យនិងរបូតដល់៥គ្រាប់ទៅវិញ។
ងាកទៅក្រុម Liverpool វិញ ក៏ស្ពឹកមុខខ្លាំងណាស់ដែរ។ នេះជាប្រវត្តិសាស្ត្រដំបូងរបស់ក្លឹបនេះហើយ ដែលពួកគេលេងក្នុងពាន UEFA Champions League និងរបូតដល់ទៅ៥គ្រាប់ក្នុងទឹកដីខ្លួនឯង Anfield នេះ។ ស្របពេលកំណត់ត្រាទល់ក្រុមអធិរាជស Real Madrid វិញ ក៏មើលឃើញថាមិនល្អដែរ ពោលគឺ៧ប្រកួតចុងក្រោយទល់ក្រុមជើងឯក UCL ១៤សម័យកាលនេះ ពួកគេមិនទាន់ស្គាល់ពាក្យថាឈ្នះម្ដងនោះទេ៕