ក្រុមអធិរាជស Real Madrid នឹងអវត្តមានខ្សែបម្រើសំខាន់២នាក់នៅរាត្រីនេះ គឺ Toni Kroos និង Aurelien Tchouameni ក្នុងការប្រកួតទល់ក្រុម Liverpool នៅរាត្រីនេះ។
ខ្សែបម្រើអាល្លឺម៉ង់ Kroos ឈឺនិងអវត្តមាន២ប្រកួតមកហើយ នៅមិនទាន់ធូរស្រាលនោះទេ។ ស្របពេលខ្សែបម្រើវ័យក្មេង Aurelien Tchouameni វិញ ក៏មានជំងឺដែរ មិនអាចចូលលេងទល់ក្រុម Liverpool នៅរាត្រីនេះបានទេ។ លោក Carlo Ancelottti ក៏បានកោះហៅកីឡាករវ័យក្មេង២នាក់មកជំនួសវិញផងដែរ គឺ Mario Martin និង Sergio Arribas ។
Kroos ជាកីឡាករដែលបង្ហាញខ្លួនស្ទើរតែគ្រប់ការប្រកួតទាំងអស់ឱ្យក្រុម Real Madrid នារដូវកាលនេះ។ ការអវត្តមានរបស់រូបគេ ក៏អាចនឹងធ្វើឱ្យមានការលំបាកខ្លះដែរ ស្របពេលក្រុម Liverpool វិញ ក៏កំពុងឡើងជើងស្រាប់ទៀតនាប៉ុន្មានប្រកួតចុងក្រោយនេះ។ លោក Klopp សង្ឃឹមថាក្រុមហង្សក្រហមនឹងធ្វើបានល្អឡើងវិញ ព្រោះថាកន្លងមក២ដងនៅវគ្គផ្ដាច់ព្រ័ត្រ ពួកគេសុទ្ធតែបរាជ័យក្រោមថ្វីជើង Real Madrid ទាំងអស់៕