លោក Jurgen Klopp បានអះអាងថាក្រុម Liverpool របស់លោកត្រូវលេងឱ្យដល់កម្រិតកំពូលទាំងពីរជើងតែម្ដង ទើបអាចមានឱកាសយកឈ្នះលើក្រុម Real Madrid បាន។
ក្រុមហង្សក្រហម Liverpool នឹងត្រូវប្រកួតជាមួយក្រុម Real Madrid នៅរាត្រីនេះហើយ ក្នុងពានរង្វាន់ UEFA Champions League វគ្គ១៦ក្រុមចុងក្រោយ។ នេះជាឱកាសសងសឹកសម្រាប់ក្រុមហង្សក្រហមផងដែរ ព្រោះកន្លងមកនេះ ពួកគេធ្លាប់ចាញ់ក្រុមជើងខ្លាំងនៅអេស្ប៉ាញនៅវគ្គផ្ដាច់ព្រ័ត្រពានរង្វាន់ Champions League នេះរហូតដល់ទៅ២ដងទៅហើយ។
មុនការប្រកួត លោក Klopp បាននិយាយថា៖ “ខ្ញុំសប្បាយចិត្តសម្រាប់ពេលបច្ចុប្បន្ននេះ ព្រោះក្រុមរបស់យើងចាប់ផ្ដើមលេងបានល្អឡើងវិញ។ ខ្ញុំក៏ទើបតែមើលការប្រកួតរបស់យើងកន្លងមកទល់ Real Madrid ផងដែរ។ វាជាការប្រកួតធំបំផុតមួយរវាងក្រុមទាំងពីរ ហើយយើងក៏ត្រូវលេងឱ្យបានល្អដល់កម្រិតកំពូលផងដែរ ទើបអាចឈ្នះបាន។ Real Madrid ទោះ ពួកគេលេងមិនដល់កម្រិតកំពូល ក៏ ព្រោះនៅតែមានឱកាសឈ្នះច្រើនជាងយើងដែរ”៕