ពិតជារឿងគួរឱ្យចាប់អារម្មណ៍មែនសម្រាប់ការប្រកួតនៅលីគអាល្លឺម៉ង់ Bundesliga នារដូវកាលនេះ ដោយក្លឹបចំនួន៣ឯណោះដែលមានពិន្ទុស្មើគ្នា ៤៣នៅកំពូលតារាងតែម្ដង។
នៅយប់មិញនេះ Dortmund បានយកឈ្នះលើក្រុម Hertha Berlin ក្នុងលទ្ធផល ៤-១។ ជាមួយការបន្ថែម៣ពិន្ទុទៀតនេះដែរ បានធ្វើឱ្យក្រុមនេះឈរនៅលេខ២ក្នុងតារាង មាន៤៣ពិន្ទុស្មើជាមួយក្រុមលេខ១ Bayern Munich ដែរហើយ ដោយចាញ់តែគ្រាប់បាល់ចំណេញប៉ុណ្ណោះ។ មិនត្រឹមប៉ុណ្ណឹង ក្រុមលេខ៣ Union Berlin វិញ ក៏មាន៤៣ពិន្ទុដូចគ្នាផងដែរ។ ដោយនេះសបញ្ជាក់ឱ្យឃើញថាក្រុមកំពូលតារាងទាំង៣ មានពិន្ទុស្មើគ្នាល្អណាស់ ៤៣ពិន្ទុដូចគ្នា ឆ្លងកាត់២១ប្រកួតមកនេះ។
មិនត្រឹមតែប៉ុណ្ណឹងនោះទេ ក្រុមនៅលេខ៤ Freiburg វិញក៏មិនទៅណាឆ្ងាយផងដែរ។ ពួកគេមាន៤០ពិន្ទុដែរ ខណៈដែលក្រុមលេខ៥វិញ RB Leipzig មាន៣៩ពិន្ទុ និងក្រុមលេខ៦ Frankfruit វិញមាន៣៨ពិន្ទុ។ ក្របខណ្ឌ Bundesliga នារដូវកាលនេះមានពិន្ទុប្រដេញគ្នាមែនទែន មិនមានក្រុមណាឈ្នះដាច់ពិន្ទុនោះទេ៕