លោក Pep Guardiola បានអះអាងថាមិនមានអ្វីផ្លាស់ប្ដូរនោះទេ ព្រោះក្រុម Arsenal នៅសល់១ប្រកួតក្នុងដៃទៀត ប្រសិនបើពួកគេឈ្នះ ពួកគេនឹងមកឈរកំពូលតារាងដដែលទេ។
កាលពីពាក់កណ្ដាលសប្ដាហ៍កន្លងទៅ Man City បានយកឈ្នះលើក្រុម Arsenal ដើម្បីឡើងមកឈរនៅកំពូលតារាងបណ្ដោះអាសន្ន ដោយមានពិន្ទុស្មើគ្នា តែ City មានគ្រាប់បាល់ចំណេញច្រើនជាង។ យ៉ាងណាមិញ ក្រុម Arsenal ក៏នៅសល់១ប្រកួតក្នុងដៃទៀតដែរ ដូច្នេះប្រសិនបើ១ប្រកួតនោះ ពួកគេអាចឈ្នះបាន នោះនឹងមានគម្លាត៣ពិន្ទុពី Man City ដដែលទេ មិនមានអ្វីប្រែប្រួលឡើយ។
ដោយសារតែបែបនេះហើយ ទើបលោក Pep អះអាងថាក្រុមរបស់លោកមិនសប្បាយចិត្តអ្វីឡើយចំពោះការយកឈ្នះ Arsenal និងឡើងមកឈរកំពូលតារាងបណ្ដោះអាសន្ននេះ។ ខណៈដែលការប្រកួតនៅសល់ច្រើនប្រកួតទៀតណាស់មុននឹងបិទបញ្ចប់រដូវកាលនេះ ដូច្នេះគ្រប់យ៉ាងសុទ្ធតែអាចកើតមានឡើងបានដដែល។ ការលើសខ្វះពិន្ទុគ្នាបន្ដិចបន្ដួច មិនអាចធានាបានថាក្រុមនោះនឹងអាចឈ្នះពានរង្វាន់បានឡើយ៕