យោងតាម The Athletic មេធាវីរបស់ Kathryn Mayorga គឺ Leslie Mark Stovall ត្រូវបានបញ្ជាឱ្យបង់ប្រាក់ចំនួន ៣៣៤.៦៣៧,៥០ដុល្លារ ជាថ្លៃសំណងដល់ Cristiano Ronaldo។ Mayorga បានចោទប្រកាន់ Ronaldo ពីបទរំលោភ ដោយអះអាងថា ឧប្បត្តិហេតុនេះបានកើតឡើងនៅក្នុងសណ្ឋាគារមួយក្នុងឆ្នាំ២០០៩។
យ៉ាងណាមិញ តារាឆ្នើមសញ្ជាតិព័រទុយហ្គាល់រូបនេះតែងតែរក្សាភាពគ្មានកំហុសរបស់ខ្លួន ហើយបានបដិសេធយ៉ាងដាច់អហង្ការចំពោះការចោទប្រកាន់នេះ។
ទោះជាយ៉ាងណាក៏ដោយ Mayorga បានសម្រេចចិត្តបន្តការប្ដឹងទាមទារសំណងយ៉ាងច្រើនក្នុងឆ្នាំ២០១៨។ នាងបានបន្តក្រោមការប្រឹក្សារបស់ Stovall។ វាបានកើតឡើងបន្ទាប់ពីព័ត៌មានលម្អិតនៃការពិភាក្សារបស់ពួកគេជាមួយមេធាវីរបស់ Ronaldo លោក Peter Christiansen បានបែកធ្លាយ។ចៅក្រមសម្ងាត់អាមេរិក Jennifer Dorsey ឥឡូវបានដកសំណុំរឿងនេះចេញពីតុលាការ ហើយបានចោទប្រកាន់ Stovall ពីបទកាន់កាប់ឯកសារក្លែងក្លាយ។ ថ្លៃសេវាផ្លូវច្បាប់នៃការកាត់ក្តីទាំងអស់គឺ ៦២៦,០០០ដុល្លារ។
ទោះជាយ៉ាងណាក៏ដោយចៅក្រម Dorsey បានស្នើសុំឱ្យ Stovell បង់ប្រាក់ពាក់កណ្តាលនៃការចំណាយផ្លូវច្បាប់ដល់ Cristiano Ronaldo។ តុលាការក៏បានសម្រេចថា តារាឆ្នើមរូបនេះត្រូវទទួលខុសត្រូវមួយចំនួនចំពោះការមិនចាត់ការតាមផ្លូវច្បាប់ឲ្យបានឆាប់៕