បើទោះជាចាញ់ក្រុម Manchester City ពិតមែន ប៉ុន្តែលោក Mikel Arteta បែរជាមានទំនុកចិត្តលើសដើមទៅលើក្រុម Arsenal ថានឹងអាចឈ្នះពានរង្វាន់ English Premier League បានទៅវិញ។
ក្រុមកាំភ្លើងធំ Arsenal ហាក់ដូចជាធ្វើមិនបានល្អទាល់តែសោះក្នុងការប្រកួតនៅប៉ុន្មានប្រកួតចុងក្រោយនេះ។ ដោយឡែកយប់មិញការលេងចាញ់ Man City បានធ្វើឱ្យក្រុមនេះ ធ្លាក់ចេញពីកំពូលតារាងទៅហើយ។ តែពួកគេនៅមានឱកាសហក់ឡើងទៅវិញបានដែរ ព្រោះនៅសល់១ប្រកួតក្នុងដៃទៀត ប្រសិនបើឈ្នះនឹងនៅតែនាំមុខ Man City ៣ពិន្ទុដដែលទេ។
ចំពោះចំណុចនេះ លោក Arteta អ្នកចាត់ការក្រុម Arsenal បាននិយាយថា៖ “Man City ជាក្រុមល្អ កីឡាករម្នាក់ៗសុទ្ធតែមានគុណភាព។ យើងបានបង្កើតកំហុសនិងឱ្យពួកគេរកគ្រាប់បាល់បាន។ តែក្រោយពីការប្រកួតនេះ ខ្ញុំកាន់តែមានទំនុកចិត្តថែមទៀតក្នុងការឈ្នះពាន ព្រោះខ្ញុំមើលឃើញក្រុមរបស់យើងកាន់តែធ្វើបានល្អ និងកែប្រែកំហុសបានច្រើន”៕