ក្រុម PSG ហាក់ដូចជាធ្វើមិនបានល្អសោះក្នុងការប្រកួតប៉ុន្មានប្រកួតចុងក្រោយនេះ បន្ទាប់ពីបន្ដលេងចាញ់ក្រុម Monaco ក្នុងលទ្ធផល ៣-១ នៅយប់មិញនេះ។
Kylian Mbappe និង Lionel Messi មិនមានវត្តមានប្រកួតឱ្យក្រុម PSG ទេនៅយប់មិញ ដោយសារតែពួកគេមានបញ្ហារបួស។ ជាក់ស្ដែងអវត្ដមានកីឡាករសំខាន់២នាក់នេះក៏ឃើញថាលទ្ធផលដែលទទួលបានមិនសមបំណងផងដែរ។ PSG បានបរាជ័យក្រោមថ្វីជើងរបស់ក្រុម Monaco ក្នុងលទ្ធផល ៣-១ ឯណោះ ដែលជារឿងមិននឹកស្មានដល់នោះទេ។ ស្របពេលការធ្វើមិនបានល្អនេះដែរ ក៏ទំនងជាមានឥទ្ធិពលដល់ស្មារតីក្រុមត្រៀមប្រកួតទល់ Bayern Munich នៅសប្ដាហ៍ក្រោយនេះផងដែរ។
ងាកទៅមើលតាមនៅ Ligue1 វិញ ក្រុម PSG នៅតែរក្សាខ្លួននៅកំពូលតារាងដដែល ដោយមាន៥៤ពិន្ទុឆ្លងកាត់២៣ប្រកួតមកនេះ។ ស្របពេលក្រុមលេខ២ Marseille មាន៤៩ពិន្ទុ និងក្រុមលេខ៣ Monaco មាន៤៧ពិន្ទុ៕