អ្នកប្រដាល់គុនខ្មែរ ធឿន ធារ៉ា បានឈ្នះខ្សែក្រវ៉ាត់គុនខ្មែរពិភពលោក International Professional Combat Council (IPCC) ហើយកាលពីយប់មិញនេះ ក្រោយយកឈ្នះកីឡាករប្រេស៊ីល Thiago នៅត្រឹមទឹកទី៤។
ក្នុងការប្រកួតនេះដែរ គេសង្កេតឃើញថាកីឡាករទាំងពីរមានការដេញដោលគ្នា ឌឺដងគ្នា មិនឈប់នោះទេ។ រហូតដល់ការប្រកួតជាក់ស្ដែងវិញ ក៏ឃើញថា ធារ៉ា ធ្វើបានល្អជាងក្នុងនាមជាម្ចាស់ផ្ទះផង និងមានអ្នកគាំទ្រគាំទ្រច្រើនផង ធ្វើឱ្យរូបគេអាចសម្រេចដោលដៅវាយឈ្នះកីឡាករប្រេស៊ីលបាន។ ដោយអាជ្ញាកណ្ដាលបញ្ឈប់ការប្រកួតនៅត្រឹមទឹក៤ប៉ុណ្ណោះ ក្រោយពី Thiago បែកធំពេក។
ជាមួយការប្រកួតនេះដែរ មានអ្នកទស្សនាដល់ទៅជាង 300k ភ្នែកអំឡុងការប្រកួត។ ដោយក្នុងនោះក៏មានជនជាតិថៃច្រើនចូលទស្សនា ហើយក៏ឃើញមាន បូខាវ ស្ដេចប្រដាល់ថៃម្នាក់ផងដែរ។ នេះសបញ្ជាក់ឱ្យឃើញថា ការប្រកួតគុនខ្មែរនាពេលបច្ចុប្បន្ននេះគឺពិតជាល្បីល្បាញខ្លាំងមែនទែនហើយ៕