លោក Jamie Carragher ដែលធ្លាប់រិះគន់ទៅលើខ្សែការពារ Lisandro Martinez បានចេញមុខមកទទួលស្គាល់ថាការគិតរបស់ខ្លួនខុសទាំងស្រង់តែម្ដង។
នៅពេល Manchester United ទិញ Martinez មក លោក Carragher ដែលជាអតីតកីឡាករ Liverpool បានរិះគន់ថារូបគេមានកម្ពស់ទាបពេកមិនសមធ្វើជាខ្សែការពារនោះទេ។ តែគ្រប់យ៉ាងមិនដូចការគិតនោះទេ ជាក់ស្ដែងនៅរដូវកាលនេះខ្សែការពារអាហ្សង់ទីនរូបនេះធ្វើបានល្អណាស់ និងក្លាយជាកីឡាករម្នាក់ដែលបានជួយក្រុម Man Utd យ៉ាងច្រើន និងមិនអាចខ្វះបាននោះទេ។
ក្រោយពីឃើញការលេងដ៏ល្អនេះហើយ ទើបបានជាពេលនេះ Carragher និយាយថា៖ “គាត់ជាផ្នែកសំខាន់មួយសម្រាប់ជួយក្នុងក្រុម Man Utd ។ មានការប្រកួតជាច្រើន ដែលគាត់ជាអ្នកជួយក្រុមឱ្យឈ្នះ។ គាត់ជាកីឡាករល្អម្នាក់ ហើយពិតជាធ្វើឱ្យខ្ញុំភ្ញាក់ផ្អើលជាខ្លាំង។ ខ្ញុំពិតជាគិតខុស កម្ពស់មិនមែនជាបញ្ហាសម្រាប់គាត់ក្នុងការលេងឱ្យដល់កម្រិតកំពូលនោះទេ”៕