តារាឆ្នើមរបស់ក្លឹប Paris Saint-Germain (PSG) កីឡាករ Kylian Mbappe អាចនឹងដាក់សំណើផ្ទេរ ប្រសិនបើក្លឹបយក្សរបស់បារាំងធ្លាក់ចេញពីក្របខ័ណ្ឌ Champions League ក្រោមដៃក្លឹប Bayern Munich នេះបើយោងតាម Marca។
ថ្វីត្បិតតែពួកគេចំណាយអស់ជាច្រើនឆ្នាំក្នុងការកសាងក្រុមដែលមានភាពល្បីល្បាញក៏ដោយ ការប្រកួត Champions League គឺជាពានរង្វាន់ដែលពួកគេតែងតែបរាជ័យក្នុងការឈ្នះវា។
PSG ទើបតែអាចឡើងដល់វគ្គផ្តាច់ព្រ័ត្រនៃការប្រកួតប្រជែងក្លឹបកំពូលនៅអឺរ៉ុបម្តងក្នុងឆ្នាំ ២០២០ នៅពេលដែលពួកគេបានចាញ់ Bayern Munich។
ដូចដែលបានរាយការណ៍ដោយកាសែតអេស្ប៉ាញ Marca តារាឆ្នើមរបស់បារាំង Kylian Mbappe អាចនឹងដាក់សំណើផ្ទេរប្រសិនបើក្រុមរបស់ Christophe Galtier ត្រូវបានធ្លាក់ក្រោមដៃរបស់ Bayern Munich។
PSG នឹងត្រូវតទល់ដោយគ្មានតារាឆ្នើមសម្រាប់ជើងទីមួយនៅ Parc des Princes នៅថ្ងៃអង្គារសប្តាហ៍ក្រោយ ខណៈដែលគាត់ត្រូវអវត្តមានដោយសាររបួសភ្លៅ។
ទោះបីជាយ៉ាងណាក៏ដោយ Mbappe អាចនឹងត្រលប់មកទាន់ពេលសម្រាប់ការប្រកួតជើ់ងទីពីរនៅ Allianz Arena នៅថ្ងៃទី៨ ខែមីនា៕