Christian Atsu អតីតខ្សែបម្រើក្រុម Newcastle និង Chelsea ត្រូវបានគេដឹងថាបានបាត់ខ្លួនបន្ទាប់ពីគ្រោះរញ្ជួយដីដ៏ខ្លាំងមួយបានវាយប្រហារនៅក្នុងប្រទេសទួរគី និងស៊ីរី។
មនុស្សជិត ៣.០០០ នាក់ត្រូវបានបញ្ជាក់ថាបានស្លាប់បន្ទាប់ពីការរញ្ជួយដីកម្រិត ៧.៨ រិចទ័របានវាយប្រហារភាគអាគ្នេយ៍នៃប្រទេសទួរគី និងភាគខាងជើងប្រទេសស៊ីរី ខណៈដែលគេជឿថាចំនួនអ្នកស្លាប់នឹងកើនឡើងគួរឱ្យកត់សម្គាល់នៅពេលដែលសេវាសង្គ្រោះបន្ទាន់ធ្វើការជួយសង្គ្រោះមនុស្សដែលកប់នៅក្រោមគំនរបាក់បែក។
កីឡាករ Atsu វ័យ ៣១ឆ្នាំ ដែលឥឡូវនេះលេងឱ្យក្រុម Hatayspor របស់ទួរគី Super Lig ត្រូវបានគេគិតថាស្ថិតក្នុងចំណោមអ្នកដែលបាត់ខ្លួន ដោយមានរបាយការណ៍បញ្ជាក់ថាមិត្តរួមក្រុម និងសមាជិកបុគ្គលិកបច្ចេកទេសរបស់ក្លឹបត្រូវបានជួយសង្គ្រោះ។
អតីតក្លឹប Newcastle របស់ Atsu បានបង្ហោះថា ពួកគេកំពុង ‘អធិស្ឋានសម្រាប់ព័ត៌មានវិជ្ជមានមួយចំនួន’ ទាក់ទងនឹងសុខុមាលភាពរបស់គាត់ ខណៈដែល Chelsea, Everton និង Bournemouth ដែលជាអតីតអ្នកទិញ Atsu ជាលើកដំបូងទៅកាន់ប្រទេសអង់គ្លេសក្នុងឆ្នាំ ២០១៣ បានបង្ហោះសារគាំទ្រនៅលើ Twitter។
កីឡាករជម្រើសជាតិហ្គាណារូបនេះបានចំណាយពេល ៥ឆ្នាំនៅ St James’ Park ដោយបានបង្ហាញខ្លួន ១២១ដងក្នុងការប្រកួតទាំងអស់ មុនពេលចូលរួមជាមួយក្រុម Al-Raed អារ៉ាប៊ីសាអូឌីតក្នុងឆ្នាំ ២០២១។
បន្ទាប់មក Atsu បានចូលរួមជាមួយ Hatayspor ក្នុងខែកញ្ញា ឆ្នាំ ២០២២ លើកិច្ចសន្យារយៈពេលមួយឆ្នាំដំបូង ហើយបានស៊ុតបញ្ចូលទីគ្រាប់បាល់ឈ្នះកាលពីថ្ងៃអាទិត្យកន្លងទៅនេះទល់នឹង Kasimpasa ដើម្បីធានាឱ្យក្រុមរបស់គាត់ឈ្នះ ១-០៕