ក្រុម Napoli នៅរដូវកាលនេះក្នុងលីគកំពូលអ៊ីតាលី Serie A ហាក់ដូចជាគ្មានគូប្រៀបទៀតនោះទេ ក្រោយពីពួកគេឈរកំពូលតារាងដាច់១២ពិន្ទុទៅហើយ។
Napoli ហាក់ដូចជាគ្មានគូប្រជែងនោះទេ ក្រោយពីក្លឹបនៅ Serie A ទាំងអស់ហាក់លេងមិនសូវបានល្អនោះទេ។ ងាកទៅមើល Juventus ដែលកាត់១៥ពិន្ទុមកទៀត បានធ្វើឱ្យពួកគេធ្លាក់ទៅពាក់កណ្ដាលតារាងឯណោះ មិនអាចងើបមកតវ៉ាឬប្រជែងអ្វីឡើយ។ ស្របពេលក្រុមដទៃទៀត AC Milan , Inter Milan ក៏មានឈ្នះ មានចាញ់ទៀត។ នេះសបញ្ជាក់ឱ្យឃើញថានៅរដូវកាលនេះ Napoli ស្ទើរតែរកគូប្រជែងក្នុងលីគលែងមានទៅហើយ។
ខ្សែប្រយុទ្ធ Osimhen របស់ក្រុម Napoli ក៏កំពុងឈរនៅកំពូលតារាងថែមទៀត មាន១៦គ្រាប់ទៅហើយ។ នេះសបញ្ជាក់ថាក្រុម Napoli កំពុងពេញជើងល្អ និងលេងសហការគ្នាមែនទែនហើយ។ ពួកគេអាចនឹងលើកពានមុនបញ្ចប់រដូវកាលថែមទៀត ប្រសិនបើក្រុមគូប្រជែងបន្ដធ្វើមិនបានល្អបែបនេះទៀត ព្រោះគម្លាត១៣ពិន្ទុពិតជាច្រើនខ្លាំងមែទទែន៕