Chelsea ត្រូវបានគេរាយការណ៍ថាមានជំហរយ៉ាងខ្លាំងក្នុងការប្រជែងដើម្បីតែងតាំងអតីតអ្នកចាត់ការក្លឹប Barcelona លោក Luis Enrique។ វាកើតឡើងនៅពេលដែលសម្ពាធកំពុងកើនឡើងលើគ្រូបង្វឹកក្រុមតោខៀវលោក Graham Potter។
គ្រូបង្វឹកសញ្ជាតិអង់គ្លេសរូបនេះបានស្នងតំណែង Thomas Tuchel ងការដឹកនាំនៅ Stamford Bridge កាលពីខែកញ្ញាឆ្នាំមុន។ ថ្វីត្បិតតែមានការចាប់ផ្តើមដ៏ជោគជ័យក៏ដោយ ក៏ក្រុមរបស់លោកបានធ្លាក់ចុះ ដោយឈរនៅលេខរៀងទីប្រាំបួនក្នុងលីគ ដោយចាញ់ ៧ដងក្នុងចំណោម ២១ប្រកួត។
ការធ្លាក់ចុះចុងក្រោយបំផុតរបស់ Chelsea គឺការស្មើដោយមិនមានគ្រាប់បាល់ស៊ុតបញ្ចូលទីជាមួយនឹងក្រុម Fulham នៅក្នុងផ្ទះកាលពីថ្ងៃសុក្រ ទី៣ ខែកុម្ភៈ។
យោងតាម Fichajes ក្រុមតោខៀវបានខិតខំយ៉ាងខ្លាំងក្នុងការប្រជែងដើម្បីតែងតាំងលោក Enrique។ ទោះជាយ៉ាងណាក៏ដោយ Atletico Madrid គឺជាក្លឹបដែលត្រូវបានគេចាត់ទុកថាពេញចិត្តក្នុងការទាក់ទាញអតីតអ្នកចាត់ការក្លឹប Barcelona មកកាន់ Wanda Metropolitano ផងដែរ។
គ្រូបង្វឹកសញ្ជាតិអេស្បាញរូបនេះបានចាកចេញពីការដឹកនាំក្រុម ចាប់តាំងពីខែធ្នូឆ្នាំមុន បន្ទាប់ពីគាត់ត្រូវបានបញ្ចប់តំណែងពីតួនាទីជាអ្នកចាត់ការសញ្ជាតិអេស្ប៉ាញ។ ក្រោយអេស្ប៉ាញបានធ្លាបក់ចេញពី World Cup ២០២២ យ៉ាងខកចិត្ត ដោយចាញ់ម៉ារ៉ុកក្នុងលទ្ធផល ៣-០ ដោយបាល់ប៉េណាល់ទីក្នុងវគ្គ ១៦ក្រុមចុងក្រោយ៕